Atmosferany qoqyspen lastaý kólemi boıynsha Qazaqstan álemde 17-shi orynda - QR qorshaǵan ortany qorǵaý mınıstri
ALMATY. 9 qyrkúıek. QazAqparat - Mamandardyń bergen baǵasy boıynsha jyl saıyn resýrstardy tıimsiz paıdalaný nátıjesinde el ekonomıkasynyń jiberip alǵan paıdasy jylyna 4-8 mlrd. dollardy quraıdy. Bul týraly búgin QazAqparatqa QR Qorshaǵan ortany qorǵaý mınıstri Nurlan Qapparov habarlady.
«Eger biz óz áreketimizdi ózgertpesek, tabıǵı resýrstardyń sarqylý máselesi jaıly oılanbasaq, onda 2030 jylǵa qaraı bul mólsher 14 mlrd. dollarǵa jetedi» - dedi mınıstr.
N.Qapparovtyń sózine qaraǵanda, respýblıkada ónerkásiptik kásiporyndardyń áreket etý saldarynan aýanyń lastaný deńgeıi joǵary bolyp otyr.
«Atmosferaǵa zııandy qaldyq shyǵarý boıynsha Qazaqstan álemde 17-shi orynda. Aýanyń negizgi lastaýshylaryna qatty bólshekter, kúkirt qos totyǵy men azot oksıdi, sonymen qatar synap, qorǵasyn, ysty gaz ben dıoksınderdiń qospalary jatady. Shań, kúkirt qos totyǵy men azot oksıdiniń asa iri kólemde syrtqa shyǵarylýy Qazaqstannyń negizgi úsh sektory: elektr energetıkasy, taý-ken óndirý ónerkásibi men kólik salasyna qatysty», - dep naqtylady mınıstr.
