Atmosferalyq aǵyndardyń áserinen qar jaýyp, jel kúsheıip, aıazdar saqtalady - Qazaqstandaǵy 4 aqpanǵa arnalǵan aýa raıy
ASTANA. 3 aqpan. QazAqparat - Respýblıkanyń kóp bóliginde senbi, 4 aqpandaǵy aýa raıy atmosferalyq aǵyndardyń áserinen keıbir jerlerde qar jaýyp, jeldiń kúsheıedi, dep habarlaıdy QR TJM-niń «Qazgıdromet» RMK.
Qazaqstannyń batysynda antıtsıklonnyń yqpal etýimen kún ashyq bolady dep kútilýde. Jambyl oblysynda keıbir jerlerde tuman, kóktaıǵaq, jeldiń sekýndyna 15-20 metrge deıin kúsheıýi kútiledi. Ońtústik Qazaqstan oblysynda keıbir jerlerde tuman, kóktaıǵaq, burqasyn, jeldiń sekýndyna 17-22 metrge deıin kúsheıýi, jel ekpini 25 metrge deıin jetedi dep kútilýde.
Qyzylorda, Aqmola, Qostanaı, Soltústik Qazaqstan, Shyǵys Qazaqstan oblystarynda keıbir jerlerde burqasyn, jeldiń sekýndyna 15-20 metrge deıin kúsheıýi bolady dep kútilýde. Atyraý, Qaraǵandy oblystarynda keıbir jerlerde tuman túsedi.
Almaty oblysynda - keıbir jerlerde tuman túsedi, jeldiń sekýndyna 15-20 metrge deıin kúsheıýi kútiledi, túnde Jalańashkól aýdanynda jel ekpini sekýndyna 28 metrge deıin jetedi. Mańǵystaý oblysynda keıbir jerlerde kóktaıǵaq bolady.
Qaraǵandy oblysynda túnde keıbir jerlerde óte qatty aıaz saqtalady. Ońtústik Qazaqstan oblysynda túnde qatty aıaz, keıbir jerlerde óte qatty aıaz saqtalady. Atyraý, Aqtóbe, Qyzylorda, Jambyl oblystarynda túnde keıbir jerlerde qatty aıaz bolady dep kútilýde. Mańǵystaý oblysynda túnde keıbir jerlerde óte qatty aıaz bolady dep kútilýde.
Taıaýdaǵy úsh táýlikte Ońtústik Qazaqstan, Qyzylorda, Jambyl, Almaty jáne Shyǵys Qazaqstan oblystarynyń kóptegen ózenderinde muz qatýy kúsheıip, muz qubylystaryna baılanysty sý deńgeıleriniń aýytqýlary baıqalady, jekelegen ózenderde sý deńgeıleriniń kóterilýi múmkin. 4-6 aqpan kúnderi Shardara sý qoımasyna 1150-1250 m3/s shamasynda sý quıylady dep kútilýde.
