Atmosferalyq aǵyndar áserinen QR aýmaǵynda jańbyr jaýyp, naızaǵaı oınaıdy, jel turady - 21 mamyrdaǵy aýa raıy boljamy
ASTANA. 20 mamyr. QazAqparat - Qazaqstan aýmaǵynyń basym bóliginde atmosferalyq aǵyndar ótýimen 21 mamyrda keı jerlerde jańbyr jaýyp, naızaǵaı oınaıdy, jel kúsheıedi.
Bul týraly QR TJM baspasóz qyzmeti Qazgıdrometke silteme jasap habarlaıdy.
Eldiń batys bóliginde ǵana kún ashyq bolady, keı jerlerde jel kúsheıedi.
Aqmola, Almaty, Jambyl, Ońtústik Qazaqstan, Qostanaı, Pavlodar, Qaraǵandy, Shyǵys Qazaqstan, kúndiz Atyraý, Batys Qazaqstan oblystarynda keı jerlerde jeldiń ekpini 15-20 m/s-ke jetedi, Atyraý oblysynda keı jerlerde shańdy daýyl kóteriledi.
Soltústik Qazaqstan oblysynda túnde jáne tańerteń keı jerlerde tuman túsedi, kúndiz jeldiń kúshi 15-20 m/s-ke deıin kúsheıedi.
Respýblıkanyń batysynda, ońtústiginde, ońtústik-shyǵysynda, shyǵysynda jáne ortalyǵynda keı jerlerde óte joǵary órt qaýpi saqtalady.
Taıaýdaǵy táýlikterde QR-nyń ońtústigindegi, ońtústik-shyǵysyndaǵy jáne shyǵysyndaǵy kóptegen ózenderde sý deńgeıiniń ulǵaıýy baıqalady, Almaty oblysynyń taý betkeılerindegi ózenderinde sý tasqyny bolýy kútiledi. Qazaqstannyń jazyq dalaly aýmaǵyndaǵy ózenderinde gıdrologııalyq rejımde aıtarlyqtaı ózgeris bolmaıdy.
Budan buryn habarlanǵandaı, QR-nyń eki oblysynda 21 sý tasqyny jóninde eskertý jarııalandy. Tolyǵyraq - myna jerde .
