Atmosferalyq aǵymdardyń bólinýi aýa raıynyń turaqsyz bolýyna ákeledi - 12 qyrkúıekke arnalǵan aýa raıy boljamy
ASTANA. 11 qyrkúıek. QazAqparat - 12 qyrkúıekte Qazaqstannyń basym bóliginde aǵymdardyń ótýine baılanysty aýa raıy turaqsyz bolady dep kútilýde, keı jerlerde jańbyr jaýyp, naızaǵaı oınap, jel kúsheıedi, dep habarlady Qazgıdrometke silteme jasaı otyryp, QR TJM-niń baspasóz qyzmeti.
Respýblıkanyń batysynda kún raıy antıtsıklonnyń yqpalynda jaýyn-shashynsyz bolady.
Aqmola, Ońtústik Qazaqstan, Aqtóbe, Qostanaı, Soltústik Qazaqstan, Pavlodar, Shyǵys Qazaqstan, kúndiz Jambyl, Atyraý, Batys Qazaqstan, Qaraǵandy oblystarynda keı jerlerde 15-20 m/s jyldamdyqpen jel soǵady.
Almaty oblysynda kúndiz 15-20 m/s jyldamdyqpen jel soǵyp, qumdy daýyl bolady.
Túnde Aqtóbe, Qostanaı oblystarynda aýa temperatýrasy 0-2 gradýsqa deıin tómendeıdi dep kútilýde.
Respýblıkanyń ońtústik, keı jerlerde soltústik-batys jáne soltústiginde tótenshe joǵary órt qaýpi saqtalady.
Aldaǵy táýlikterde respýblıkanyń sýly nysandarynda sý deńgeıiniń aýytqýshylyǵy baıqalmaıdy.
