Atmosferalyq aǵymdar Qazaqstanǵa jaýyn-shashyn men jel ákeledi, burshaq jaýýy da múmkin - 8 maýsymǵa arnalǵan aýa raıy boljamy
ASTANA. 7 maýsym. QazAqparat - 8 maýsym kúni atmosferalyq aǵymdar Qazaqstan aýmaǵynyń kóptegen bóligine áserin saqtap qalady, olarmen birge keıbir jerlerde jaýyn-shashyndar kútiledi, naızaǵaı jarqyldap, jel kúsheıedi,
keıbir jerlerde shańdy daýyl ótip, burshaq túsýi múmkin, dep habarlaıdy Qazgıdrometke silteme jasaǵan TJM-niń baspasóz qyzmetinen.
Pavlodar, Shyǵys Qazaqstan, Mańǵystaý, Atyraý, Aqtóbe, Ońtústik Qazaqstan oblystarynda keıbir jerlerde jel 15-20 m/s deıin kúsheıedi, Atyraý oblysynda shańdy daýyl ótedi.
Batys qazaqstan oblysynda keıbir jerlerde jeldiń kúshi 15-20 m/s deıin, keıde 25 m/s deıin jetedi.
Atyraý, Batys Qazaqstan, Aqtóbe oblystarynda, Mańǵystaý oblysynyń keıbir jerlerinde kún qatty ystyq bolady dep kútilip otyr.
Qyzylorda, Mańǵystaý oblystarynda, Qaraǵandy oblysynyń ońtústiginde, Shyǵys Qazaqstan oblysynyń soltústik-batysynda, Batys Qazaqstan jáne Aqtóbe oblystarynyń keıbir jerlerinde tótenshe joǵary órt qaýiptiligi saqtalady.
Jaqyn táýlikterde respýblıkanyń ońtústik, ońtústik-shyǵysy men shyǵysyndaǵy ózenderde sý deńgeıleriniń aýytqýlary kútilýde.
