Atmosferalyq aǵymdar Qazaqstan aýmaǵyna jaýyn-shashyn men jel ákeledi - 8 qarashaǵa arnalǵan aýa raıy boljamy
ASTANA. 7 qarasha. QazAqparat- 8 qarasha kúni QR-nyń batys jáne shyǵys bóliginde atmosferalyq aǵymdardyń ótýimen jaýyn-shashyn, ekpindi jel kútiledi, dep habarlaıdy TJM-niń baspasóz qyzmetinen Qazgıdrometke silteme jasaı otyryp.
Qazaqstannyń qalǵan bóligi antıtsıklonnyń yqpalynda bolady, jaýyn-shashynsyz aýa raıy kútiledi.
Batys Qazaqstan, Aqtóbe, Qostanaı, Shyǵys Qazaqstan oblystarynda, kúndiz Aqmola, Mańǵystaý, Soltústik Qazaqstan oblystarynda 15-20 m/s jyldamdyqpen jel soǵýy yqtımal.
Almaty, Jambyl oblystarynyń birqatar aımaqtarynda tuman túsip, jeldiń jyldamdyǵy 15-20 m/s deıin jetedi.
Atyraý oblysynda keı jerlerde tuman túsedi.
Aldaǵy táýlikte Qazaqstannyń soltústik, soltústik-shyǵys jáne shyǵys oblystarynyń kóptegen sýlarynda muz qatady, osyǵan baılanysty jekelegen ózenderde sý deńgeıiniń kóterilýi yqtımal. Respýblıkanyń qalǵan aýmaǵyndaǵy ózenderde sý betiniń salqyndaýy baıqalady.
Esterińizge sala keteıik, buǵan deıin 7-8 qarasha kúnderi Aqmola, Soltústik Qazaqstan, Pavlodar, Qaraǵandy, Shyǵys Qazaqstan oblystarynda aýa temperatýrasy kúrt tómendeıdi dep habarlanǵan bolatyn. Túnde 13-18 gradýsqa deıin, keıbir jerlerde 25 gradýsqa deıin salqyndaýy kútiledi. Kúndiz synap baǵanasy 5-10 gradýs, keıbir jerlerde 15 gradýs sýyqty kórsetedi.
