Atmosferadaǵy kómirqyshqyl gazynyń deńgeıi eń joǵary shegine jetti
ASTANA. 11 mamyr. QazAqparat - Atmosferadaǵy kómirtegi qos totyǵy ólsheý tarıhynda alǵash ret mıllıonǵa 400 bólshekten asty.
Bul týraly Gavaı araldaryndaǵy Kılıng zerthanasynan amerıkandyq meteorologtar málimdedi, dep jazady Bı-Bı-Sı.
Kómir qyshqyl gazynyń mundaı deńgeıi sońǵy ret Jerdiń jahandyq jylynýyna sebep bolǵan 3-5 mıllıon jyl shamasynda sońǵy muz dáýiri bastalýyna deıin bolǵan kórinedi.
Amerıkandyq ǵalym Charlz Kılıng Maýna-Loa taýyndaǵy kómirtegi qos totyǵy deńgeıin ólsheýge 1958 jyly kirisken eken. Sol kezde bul deńgeı mıllıonǵa 315 bólshekti quraǵan.
