«Atletıko» «Barselonany» Chempıondar lıgasynyń jartylaı fınalyna ótkizgen joq
ASTANA. QazAqparat - Madrıdtiń «Atletıko» komandasy «Barselonany» Chempıondar lıgasynyń jartylaı fınalyna ótkizgen joq. Madrıd qalasynyń "Vısente Kalderon" stadıonynda ótken kezdesý alań ıeleriniń paıdasyna 2:0 esebimen aıaqtaldy.
«Atletıko» fýtbolshylary esepti 36-shy mınýtta ashty: Saýldiń tepken dobyn Antýan Grızmann qaqpaǵa basymen kirgizdi. Ekinshi taımnyń alǵashqy mınýttarynda madrıdtikter birneshe múmkindikti jiberip alǵan, biraq ony kezdesýdiń sońynda júzege asyra aldy.
Alań ıeleriniń qarymta shabýyly kezinde «Barselonanyń» jartylaı qorǵaýshysy Andres Inesta óz aıyp alańynda dopqa qolyn tıgizip aldy.11 metrlik aıyp dobyn Antýan Grızmann qalt jibermedi.
Osylaısha, «Atletıko» eki match nátıjesinde «Barselonany» 3:2 esebimen utty.
