Atletıkalyq aýyldaǵy jumysshy ólimi: Sot úkimi shyqty
ALMATY. Qazaqparat - Atletıkalyq aýyldaǵy jumysshy ólimine brıgadır kináli dep tanylyp, sot úkimi shyqty, dep habarlaıdy QazAqparat tilshisi.
Qalalyq sottyń baspasóz qyzmetinen habarlaǵandaı, is Alataý aýdandyq sotynda qaralǵan.
Іs materıaldaryna sáıkes, «Almatylıft» JShS Atletter aýylyna jaqyn nysanda 2016 jyldyń mamyrynan bastap jolaýshylar lıftin ornatýmen aınalysqan. 21 jeltoqsanda «Almatylıft» JShS elektromehanıginiń oqýshysy G.Bylanchıev pen ekinshi razrıadtaǵy elektromehanık E.Baısmakov 8-qabatta lıft ornatpaq bolǵan. Jumys barysynda ózderi aǵashtan trap ornatqan. Arnaıy saqtandyrý quraldaryn paıdalanbaǵan Bylanchıev - sol jaqta, Baısmakov - oń jaǵynda turǵan. Sol sátte aǵash synyp ketip, ekeýi de 8-qabattan shahtaǵa qulap ketken.
Aýyr jaraqattan Baısmakov sol jerde kóz jumsa, Bylanchıev aýyr jaraqat aldy.
Atalǵan derekke baılanysty, Alataý aýdandyq sotynda «Almatylıft» JShS proraby Tahır Salımov jaýap berdi.
Sot otyrysynda Tahır Salımov eńbek qaýipsizdigin saqtamaǵanyn moıyndady. Sonymen qatar, sottalýshy men prokýror arasynda protsessýaldyq kelisim jasaldy.
Sot úkimimen Salımov QR QK 156-babynyń 3-tarmaǵy boıynsha aıypty dep tanyldy. Sýdıa ony 2 jylǵa bostandyǵyn shekteý týraly úkim shyǵardy.
