Atlantıkalyq «Pııa» daýyly Eýropany ábigerge saldy
Eýropanyń atlantıkalyq jaǵalaýynda «Pııa» daýyly qaharyna minip tur. Oǵan kúshti jel men alyp tolqyndar qosyldy, dep habarlaıdy Kazinform MIR-24-ke silteme jasap.
Manchester áýejaıy aýa raıyn jiti baqylaýda ustap otyr. Aılaq tipti ushaqtardy qabyldaı almaı nemese ushyra almaı jabylýy da múmkin. Barlyq laıner birinshi retten qona almaı áýre-sarsańǵa tústi.
Kóbi ekinshi aınalym jasap nemese qosymsha áýe aılaqtaryna ketip jatyr.
Atlantıka jaǵalaýynda keıingi 8 jylda mundaı kúshti daýyl bolmaǵan. Daýyl ekpini keı jerlerde sekýndyna 45 metrge jetedi.
Áýejaılarmen qatar júzdegen keme, parom men krýızdik laıner jolǵa shyǵa almaı tur. Temirjol vokzaldarynda poıyzdar keshigip, adamdar jınalyp qalǵan. Katolıkterde Rojdestvo bastalatyndyqtan turǵyndar týystaryna jetip úlgerýge tyrysady. Degenmen daýyl saldarynan bireýler merekeni poıyzda ótkizýi ábden múmkin.
Ulybrıtanııanyń kóptegen eldimekeninde úılerdiń shatyry qırap, aǵashtar qulaǵan, kólikter búlingen. Qalalar men aýyldardyń bir bóligi jaryqsyz qaldy.
Bılik ókilderi mekteptegi sabaqty toqtatýǵa májbúr boldy jáne turǵyndardy qatty qajet bolmaǵan jaǵdaıda úıden shyqpaýǵa shaqyrady.
