Atlantic Cup: «Astana» «Brondbıý» komandasyn jeńdi
NUR-SULTAN. QazAqparat - Búgin elordalyq «Astana» Portýgalııada ótip jatqan halyqaralyq «Atlantic Cup» týrnırinde Danııanyń «Brondbıý» komandasymen kezdesti, dep habarlaıdy QazAqparat tilshisi.
Esterińizge sala ketelik, «Astana» A tobynda oınady. Alǵashqy týrda elordalyq klýb Danııanyń «Kopengagen» komandasynan 0:1 esebimen jeńilip qalǵan edi.
«Brondbıý» 1964 jyly qurylǵan. Sodan beri óz eliniń 10 márte chempıony atanyp úlgerdi. Atalmysh klýb eýrokýbok oıyndaryna turaqty qatysyp keledi.
Búgingi kezdesýde qos komanda bir-biriniń osal tusyn tabýǵa tyrysty. Degenmen kóp sátte kózdegen nysanadan múlt ketip jatty. Esepti 29-mınýtta «Astana» oıynshysy Mrın Tomasov soqty. Budan keıin danııalyqtar tarazy basyn teńestirýge umtylǵan edi. Olar bul múmkindikke 45-mınýtta qol jetkizdi. Ony «Brondbıý» sapynan Mıhael Ýhre oryndady.
Ekinshi kezeńde de «Astana» taǵy da shabýyl shebinde jıi boı kórsetti. Osyndaı sátterdiń birinde 56-mınýtta Marın Tomasov taǵy da mergendik tanytty. Oıynda «Astana» qarsylasynan 2:1 esebimen utty.
Búgin A tobyndaǵy taǵy bir kezdesýde Shvetsııanyń «Norrchepıng» klýby Danııanyń «Kopengagen» komandasynan penaltıden 1:0 esebimen basym tústi.
