Atlant muhıty túbinen jalpy quny 38 mln. dollardy quraıtyn 48 tonna kúmis quımalary shyǵaryldy
ASTANA. 19 shilde. QazAqparat -Batyp ketken kemelerdi zertteý tarıhyndaǵy eń iri kólemdegi kúmis quımalar Atlant muhıtynyń Irlandııa jaǵalaýynda sý betine shyǵaryldy.
Shamamen 48 tonna kúmis quımalardy 4700 metrlik tereńdikten amerıkandyq "Odıssı marın eksploreıshn" kompanııasy alyp shyqqan. Olar bul jumystaryn odan ári Soltústik Atlant muhıtynda jalǵastyrmaq.
Qazirgi baǵamen eseptegende sý betine shyǵarylǵan kúmis quımalarynyń jalpy quny 38 mln. dollardy quraıdy. Sonymen qatar sý túbinde áli de 150 mln. dollardyń baǵaly metaly jatyr.
Aıta keteıik, Ekinshi dúnıejúzilik soǵys kezinde shamamen 220 tonna baǵaly metaldy «Gersoppa» saýda kemesi tasymaldaǵan. 1941 jyly Koroldik áskerı-teńiz kúshteriniń kúzetýimen Kalkýttadan Lıverpýlǵa baǵyt alǵan kemede shoıyn, kúmis jáne shaı bolǵan. Alaıda orta jolda negizgi toptan qalyp qoıǵan kemege nemistiń súńgýir qaıyǵy tap bolyp, sýǵa batyryp jibergen. Ekıpajdyń 83 múshesiniń tek bireýi ǵana tiri qalǵan, dep habarlady jergilikti BAQ.
