Atqylaǵan Etna janartaýy týrısterdi jaraqattady
ASTANA. QazAqparat - Sıtsılııada janartaý atqylap, sonyń saldarynan on adam zardap shekti, dep habarlaıdy euronews.com .
Oqys oqıǵa Etna janartaýynyń ekinshi deńgeıli krateriniń birinde boldy. Ústerine janartaý jynysy qulaǵanymen adamdar aıtarlyqtaı jaraqat almady. Olardyń barlyǵy ekskýrsııada júrgen týrıstter. Alty adam jergilikti aýrýhanaǵa medıtsınalyq kómekke júgindi, alaıda olardyń densaýlyqtaryna selkeý túsiretin qaýip tónbegen edi.
Etna janartaýy ótken aıda bastap qaıta oıandy. Sońǵy kúnderi seısmologtar lava atqylaýyn jıi tirkep júr. Aıta keterligi, belgili janartaý atqylaı bastaǵan ýaqytta da adamdarǵa aıtarlyqtaı qaýip tóndirmegen.
