Atqarýshylyq is júrgizýdi jetildirý úshin keıbir zańdardaǵy olqylyqtar men qaıshylyqtardy joıý qajet

Osy maqsatta búgin Májiliste «Qazaqstan Respýblıkasynyń keıbir  zańnamalyq  aktilerine atqarýshylyq is júrgizýdi jetildirý máseleleri  boıynsha ózgerister men tolyqtyrýlar engizý týraly» zań  jobasyn talqylaýǵa arnalǵan dóńgelek ústel ótti.

Atalǵan zań jobasy Qazaqstan Respýblıkasynyń atqarýshylyq is júrgizýdi jetildirý máseleleri jónindegi keıbir zańnamalyq aktilerindegi olqylyqtar men qaıshylyqtardy joıý, sonymen qatar sot oryndaýshylary qyzmetiniń tıimdiligin arttyrý maqsatynda olardyń ókilettikterin keńeıtý máselelerine baǵyttalǵan.

Májilistiń Zańnama jáne sot-quqyqtyq reforma komıtetiniń hatshysy Svetlana Bychkova dóńgelek ústelge jetekshilik jasap, júrgizip otyrdy. Ol zań jobasynyń mańyzdylyǵy týraly kirispe sóz sóıledi.

QR Ádilet mınıstriniń orynbasary Dýlat Qusdáýletov sot sheshimderin oryndaý máseleleri boıynsha keıbir zańnamalyq aktilerge túzetýler engizý qajettigin, sebebi búgingi oryndaý jaǵdaıy Qazaqstan Respýblıkasy Konstıtýtsııasynyń sot sheshimderin oryndaý mindettiligi jónindegi normasyn qamtamasyz etpeıtinin atap ótti. Máselen, jaýapsyz boryshkerler sot sheshimin oryndaýdan jaltarý maqsatynda túrli áreketterdi paıdalansa, adal nıetti boryshkerler ýaqtyly oryndaýǵa yntalandyrylmaǵan.

Zań jobasy sheńberinde Qylmystyq, Qylmystyq is júrgizý, Azamattyq is júrgizý, Ákimshilik quqyq buzýshylyq týraly kodeksterine, sondaı-aq, «Atqarýshylyq is júrgizý jáne sot oryndaýshylarynyń mártebesi týraly», «Qazaqstan Respýblıkasyndaǵy bankter jáne bank qyzmeti týraly», «Іshki ister organdary týraly» Qazaqstan Respýblıkasynyń zańdaryna ózgerister engizý josparlanyp otyr.

Sonymen qatar zań jobasynda boryshkerlerge zańdy tulǵalardy tirkeý, jyljıtyn jáne jyljymaıtyn múlikti tirkeý jáne t.b. sııaqty memlekettik qyzmetterdi kórsetýden bas tartý sııaqty ózgertýler qarastyrylǵan.

Sot aktilerin oryndaýǵa qatysty baptar boıynsha ákimshilik quqyq buzýshylyq jónindegi isterdi qaraý quqyǵyn atqarý óndirisi organdaryna berý máselesi de atalǵan zań jobasy sheńberinde qarastyrylýda. Bul shara boryshkerlerge ákimshilik yqpal etý múmkinshilikterin tıimdi paıdalanýǵa septigin tıgizedi.

Talqylaý barysynda dóńgelek ústel qatysýshylarynan sot sheshimderin oryndaý júıesin jaqsartýǵa qatysty birqatar usynystar tústi.

Sonymen birge, «Policy Advisory Group» konsýltatsııalyq tobynyń ókilderinen jeke sot oryndaýshylarynyń qyzmet aqysyn tóleý mólsherlemesin tómendetý - regressıvti paıyzdyq tólem shkalasyn engizý jolymen qaıta qaraýdy, qaryzdaryn óteýden jaltarǵan boryshkerlerge ósim belgileýdi qarastyrý týraly usynystar tústi.