Atqarýshy organdardyń derbestigin arttyrý mańyzdy - Prezıdent

NUR-SULTAN. QazAqparat – Atqarýshy organdardyń derbestigin arttyrý mańyzdy. Bul týraly búgin jetinshi shaqyrylǵan QR Parlamentiniń birinshi sessııasynda Prezıdent Qasym-Jomart Toqaev málim etti, dep habarlaıdy QazAqparat tilshisi.

«Jergilikti ózin-ózi basqarýdy ári qaraı jetildirý úshin bıýdjettik rásimderdi jeńildetip, ókildi jáne atqarýshy organdardyń derbestigin arttyrý mańyzdy. Osy oraıda men máslıhat depýtattaryna myna máseleni basa aıtqym keledi. Sizderdiń belsendi ustanymdaryńyz saılaýshylardyń múddesin qorǵaıtyn sapaly ári salmaqty sheshimder qabyldaýǵa yqpal etýi kerek», - dedi Prezıdent.

Osy oraıda Memleket basshysy qolǵa alynǵan ózgeristerdiń jedel jáne tabysty júzege asýy jergilikti jerdegi jumystyń tıimdiligine tikeleı baılanysty ekenin atap ótti.