Atysty toqtatý kelisimi: Gaza qalasyna shamamen 250 myń adam oraldy
ASTANA. KAZINFORM — Izraıl men HAMAS arasyndaǵy atysty toqtatý kelisimi kúshine engennen beri 250 myńǵa jýyq adam Gaza qalasyna oraldy, dep habarlaıdy Belta.
— Búgin atysty toqtatý kelisiminen keıin shamamen 250 myń adam Gaza qalasyna oraldy, — dedi radıkaldy palestınalyq qozǵalystyń baqylaýyndaǵy agenttik ókili.
Ol Izraıl armııasy buǵan deıin beıbit turǵyndar úshin «óte qaýipti» dep jarııalaǵan anklavtyń soltústik aımaqtaryna taǵy 200 myń palestınalyq oralǵanyn aıtty.
9 qazanda Izraıl men HAMAS ókilderi AQSh prezıdenti Donald Tramp usynǵan beıbitshilik josparynyń birinshi kezeńin júzege asyrý týraly kelisimge qol qoıdy. Bul kezeń jaqyn arada barlyq kepilge alynǵandardy bosatýdy jáne Izraıl áskerlerin Gaza sektoryndaǵy kelisilgen syzyqqa shyǵarýdy kózdeıdi.
Buǵan deıin Izraıldiń Gazadaǵy shabýyldary toqtatylǵandyǵy jóninde jazdyq.