Atyraýlyq turǵynnan bekire, atys qarýy, marıhýana tárkilendi

Atyraýda 44 jastaǵy turǵynnan bekire tuqymdas balyq, atys qarýy, marıhýana men psıhotropty dári tárkilendi. Qazir sotqa deıingi tergeý júrip jatyr, dep habarlaıdy Kazinform.

Atyraý oblystyq polıtsııa departamentiniń baspasóz qyzmetinen málim etkendeı, kúdikti 14 qarashada ustalǵan. 

«Esirtki qylmysyna qarsy is-qımyl basqarmasynyń qyzmetkerleri «Dármek» jedel-profılaktıkalyq is-sharasy aıasynda da esirtki zattaryn jáne dárigerdiń nusqaýynsyz áseri aýyr dárilik preparattardy zańsyz saqtady degen kúdikpen 1979 jylǵy turǵyndy anyqtady. Kúdikti Atyraý qalasyndaǵy «Kóktem» yqsham aýdanynda turady. Onyń turǵylyqty meken-jaıyn tekserý kezinde áseri joǵary 996 dana psıhotropty dáriler, 29 dana bekire tuqymdas balyq túri, ishki ister organdarynda tirkelmegen atys qarýy men polıetılen paketke salynǵan ótkir ıisi bar ósimdik tárkilendi. Saraptama qorytyndysymen ósimdiktiń keptirilgen marıhýana ekeni dáleldendi», - dep habarlady departamenttiń baspasóz qyzmeti. 

Qazir polıtsııa qyzmetkerleri kúdiktige qatysty QR Qylmystyq kodekstiń 296-babynyń 2-bóligimen sotqa deıingi tergep-tekserýdi bastady. 

Eske sala ketelik, buǵan deıin Atyraýda esirtki jasyryp, satýmen aınalysqan eki kúdikti ustalǵanyn jazǵan edik.