Atyraýlyq otbasy isi: kúdiktiler shetelden jaqyn arada qaıtarylady
ASTANA. KAZINFORM — Іshki ister mınıstriniń orynbasary Sanjar Ádilov Atyraý oblysynda otbasy múshelerin óltirdi degen kúdikke ilingen erli-zaıyptyny Indonezııadan qaıtarý jaqyn arada júzege asatynyn aıtty.
Búgin Senattyń jalpy otyrysynan keıin tilshiler kúdiktilerdi shetelden qaıtarý merzimi men atalǵan otbasynyń jolǵalǵan taǵy eki múshesin anyqtaý múmkindigine qatysty suraq qoıdy.
- Jaqyn arada eki kúdikti Indonezııadan Qazaqstanǵa jetkiziledi, ıaǵnı osy aıda alyp kelemiz, - dedi S. Ádilov.
Sonymen qatar ol bul otbasynyń eki eresek balasyn izdestirý áli jalǵasyp jatqanyn aıtty.
- Arnaıy tergeý toby quryldy jáne olar Atyraý oblysynda jumys istep jatyr, - dedi mınıstrdiń orynbasary.
Eske salsaq, Jangeldın aýylynda turatyn otbasy 2025 jyldyń sońyna belgisiz jaǵdaıda joǵalyp ketken edi.
6 qańtarda Atyraý oblysy aýmaǵynan joǵalǵan otbasynyń eki múshesiniń — otaǵasy Maqsot Qarabalın men onyń jubaıy Násip Óteshqalıevanyń denesi saraıdan tabyldy.
9 qańtarda Atyraý oblysynda otbasy múshelerin óltirdi degen kúdikke ilingen marqumdardyń kúıeý balasy Sultan Sarsemalıev ekeni resmı túrde anyqtaldy.
Sonymen qatar, Atyraýda ata-enesin óltirdi degen kúdikti Indonezııada ustalǵany málim boldy.