Atyraýlyq qutqarýshylar Jaıyqqa túsip ketken jylqyny jaǵaǵa shyǵardy
ATYRAÝ. KAZINFORM – Atyraýlyq qutqarýshylar Jaıyq ózenine túsip ketken jylqyny jaǵaǵa alyp shyqty.
Atyraý oblystyq Tótenshe jaǵdaılar departamentiniń qoǵammen baılanys tobynan málim etkendeı, bul oqıǵa búgin, 16 sáýirde bolǵan.
«Bul týraly saǵat 11:48-de habar tústi. Atyraý qalasynyń «Turǵyndar qalashyǵy» shaǵyn aýdanynda jylqy Jaıyq ózenine túsip ketken. Muny kórgen turǵyndar qutqarýshylardy kómekke shaqyrdy. Jedel qutqarý jasaǵynyń 5 qutqarýshysy sanaýly mınýtta oqıǵa ornyna jetti. Olar arnaıy qutqarý arqanyn paıdalanyp, jylqyny jaǵalaýǵa shyǵardy», - dep habarlady departamenttiń qoǵammen baılanys toby.
Eske sala ketelik, buǵan deıin Atyraýda Jaıyq ózeni mańyndaǵy saıajaı turǵyndaryna kóshý usynylǵanyn habarlaǵan edik.
Sondaı-aq, Jaıyq jaǵasyndaǵy Aspa eldi mekeniniń 86 turǵyny kóshiriletinin jazǵan bolatynbyz.
