Atyraýlyq qutqarýshylar órtengen úıden 40 adamdy syrtqa aman shyǵardy
ATYRAÝ. KAZINFORM – Atyraý qalasy, Avangard-4 yqshamaýdanynda bes qabatty turǵyn úıdiń birinshi qabatyndaǵy páterlerdiń birinde órt shyqty. Qutqarýshylar 40 adamdy syrtqa aman-esen shyǵrdy, dep habarlaıdy TJM.
– Oqıǵa ornyna TJM kúshteri jedel jetti. Avtosatynyń kómegimen jáne baspaldaq marshy arqyly 10 adam, onyń ishinde 2 bala qutqaryldy. Sonymen qatar 30 adam, onyń ishinde 10 bala evakýatsııalandy, – dep habarlady TJM baspasóz qyzmeti.
Qazirgi tańda órt tolyǵymen sóndirilgen. Abyroı bolǵanda zardap shekkender joq. ıAǵnı qutqarýshylardyń jedel ári úılesimdi áreketiniń arqasynda saldary asa aýyr jaıttarǵa jol berilmedi.
Aıta keteıik, qaraǵandylyq qutqarýshylar batpaqqa batqan eki jasóspirimdi aman alyp shyqty.
