Atyraýlyq qutqarýshy 165 tonnalyq 7 vagondy súırep, el rekordyn jańartty
ATYRAÝ. KAZINFORM – Atyraý oblysynda tótenshe jaǵdaılar qyzmetiniń qutqarýshysy Erseıit Bralın jalpy salmaǵy 165 tonna bolatyn jeti júk vagonyn súırep, el rekordyn jańartty.
Ol rekordtyq kórsetkishke Qurmanǵazy aýdanyndaǵy temirjol vokzalynda jetken. Erseıit Bralın vagondardy 9 metr 75 santımetrge deıin súıregen. Іs-sharaǵa aýdan turǵyndary jınalyp, qutqarýshyǵa qoldaý kórsetti.
36 jastaǵy Erseıit Bralın 2013 jyldan beri tótenshe jaǵdaılar qyzmetinde eńbek etip keledi.
– Erseıit Bralın qyzmetimen qatar sportta da joǵary jetistikterge qol jetkizgen. Ol paýerlıftıngten halyqaralyq jáne respýblıkalyq jarystardyń júldegeri, 2023 jyly Qazaqstan Respýblıkasynyń sport sheberi ataǵyn alǵan. 2024 jyly Qyrǵyzstanda ótken álem chempıonatynda 100 keli salmaqta álem chempıony atanyp, sol jyly 94 tonnalyq vagondy súıreý arqyly rekord ornatty. 2025 jyly Azııa chempıonatynda 1 oryn, álem chempıonatynda 3 oryn ıelendi. 2026 jyly Qazaqstan chempıonatynda jeńimpaz atandy, – dep pikir bildirdi oblystyq TJD baspasóz qyzmeti.
Aıta keteıik, buǵan deıin shymkenttik Artyq Dosalıev 120 tonnalyq vagondardy súırep, rekord ornatqan edi.
