Atyraýlyq hakerge 12 epızod boıynsha aıyp taǵyldy — ІІM
ASTANA. KAZINFORM — Atyraý oblysynda ótken jyly joǵalyp ketken otbasy týraly áleýmettik jeli arqyly tyń derekter taratqan hakerge 12 epızod boıynsha aıyp taǵyldy. Bul týraly Quryltaıdan keıingi brıfıngte Іshki ister mınıstriniń orynbasary Sanjar Ádilov aıtty.
— Ol tulǵa Túrkııa memleketinen ekstradıtsııalandy. Qazirgi tańda alaıaqtyqqa qatysty 12 epızod boıynsha aıyp taǵyldy jáne sot óndirisinde. Sol sebepti, ókinishke qaraı, munan artyq aqparat bere almaımyn. Sebebi meniń quqym joq, — dedi mınıstrdiń orynbasary BAQ ókilderiniń saýalyna oraı.
2026 jylǵy 9 qańtarda Atyraý qalasynyń mamandandyrylǵan tergeý soty kúdikti J.N.-ǵa qatysty syrttaı qamaýda ustaý túrindegi bultartpaý sharasyn sanktsııalady. Sol kúni ol halyqaralyq izdeýge jarııalandy.
2026 jylǵy 19 aqpanda Interpoldyń Ulttyq ortalyq bıýrosynyń málimetine sáıkes, kúdikti Túrkııanyń Samsýn qalasynda ustaldy.
Ol hacker.atyrau paraqshasy arqyly Qyzylqoǵa aýdany Jangeldın aýylynda joǵalǵan otbasy týraly tyń derekterdi áleýmettik jelide taratqan edi.
Eske salsaq, Qyzylqoǵa aýdany Jangeldın aýylynda turatyn otbasy 2025 jyldyń sońyna belgisiz jaǵdaıda joǵalyp ketken edi.
6 qańtarda Atyraý oblysy aýmaǵynan joǵalǵan otbasynyń eki múshesiniń — otaǵasy Maqsot Qarabalın men onyń jubaıy Násip Óteshqalıevanyń denesi saraıdan tabyldy.
Tergeý barysynda Sultan Sarsemalıev Naýryz Muqanǵalıevti mamyr aıynda ózi qalada jalǵa alǵan úıinde óltirip, úı irgesine kómip tastaǵany belgili bolǵan. Al qarasha aıynda kúdikti bir pyshaqpen úsh adamdy óltirgen. Jangeldın aýylyna barǵan kezde ata-enesi Maqsot Qarabalın men Násip Óteshqalıevany óltirip, saraı ishine kómip ketken. Al Meıramgúl Qarabalınany Atyraýda ýaqytsha turyp jatqan úıine ákelip, pyshaq jaraqatyn salǵan. Saldarynan ol da kóz jumdy.
Sot Sultan Sarsemalıev ómir boıyna bas bostandyǵynan aıyryldy.
Sarsemalıev jazasyn «Qara búrkit» túrmesinde emes, Ulytaý oblysyndaǵy mekemede óteıtini habarlandy.
