Atyraýlyq fýtbol komandasynyń qaqpashysy Danııa klýbyna aýysty

«Atyraý U21» komandasynyń oıynshysy Dýlat Talyspaev Danııanyń «Kege» fýtbol klýbynan shaqyrtý aldy. Qaqpashy sheteldik fýtbol klýbymen kelisimshartqa qol qoıdy, dep habarlaıdy Kazinform.

«Atyraý» fýtbol klýbynyń baspasóz qyzmetinen málim etkendeı, eki komnadanyń arasynda yntymaqtastyq memorandýmy jasalǵan.

«Bıyl aqpanda «Atyraý» komandasynyń oqý-jattyǵý jıynyna jasósipirim qaqpashy Dýlat Talyspaev ta qatysty. Sol kezde atyraýlyq qaqpashy 8 matchta 41 seıv jasady. Bul – onyń jeke rekordy. Osylaısha, atyraýlyq qaqpashy danııalyq klýb jattyqtyrýshylarynyń nazaryn aýdardy. Sodan soń fýtbolshy «Kege» fýtbol klýbynyń basshylyǵymen kelisimshartqa qol qoıdy», - dep habarlady jergilikti fýtbol komandasynyń baspasóz qyzmeti.

Eske sala ketelik, buǵan deıin Atyraý fýtbol komandasy Danııa klýbymen yntymaqtastyq memorandýmyna qol qoıǵanyn habarlaǵan edik. 

Memorandýmda birneshe maqsatqa qol jetkizý kózdelgen. Ásirese, jas sportshylardy oqytý daǵdylary men tásilderin jetildirýge kómektesetin birlesken is-sharalardy, semınarlar men jattyǵýlardy uıymdastyrý qamtylǵan.