Atyraýlyq áje TikTok arqyly tabys taýyp, jańa baspanaly boldy

ASTANA. KAZINFORM - Atyraýlyq Hadısha Aımuhambetova Tıktok arqyly tabys taýyp, páter satyp aldy. «Batystyń ájesi» laqap atymen tanymal qoldanýshy TikTok kompanııasymen kelisimge de otyrǵan. Bul týraly Jibek Joly arnasy habarlaıdy.

Hadısha apaı úıde úsh nemeresin baǵyp otyr. Oǵan qosa, 70 jastaǵy áje Tıktok jelisinde kúndelikti 4-5 saǵatyn ótkizedi. Muny úıretken óz uly. «Batystyń ájesi» laqap atymen elge tanylǵan apa qazir áleýmettik jeliniń juldyzy. Eń qyzyǵy, 10 mln tabys taýyp, jańa baspana alǵan.

«Qaı bos ýaqytyı bolsa, balalarmen jarysyp Tıktok qaraımyn.Árbir qyzyqty rısltardy qaraımyn.Ulym aıtty, mama sen strım ash dep. Qursyn ne aıtamyn dedim, qazaqshaǵa jaqsymyn.Sosyn, bir jylda batl oınap,aqsha taýyp otyrmyn. Búkil shetelmen oınaımyn. Jalpy qazaqtarmen kóp oınamaımyn»,- deıdi Hadısha Aımuhambetova.

«Batystyń ájesi» Tıktokta 100 myńǵa jýyq oqyrman jınaǵan. Deni sheteldikter. Hadısha apaı olarmen áleýmettik jeli arqyly aralasyp turady.

«Shetelden kóp dos taptym.Tájikstanna, Armenııa, Ýkraınadan. Basqa oqyrmandarymda sol jaqtan. Bári meni qoldaıdy. Qazaqtar da osal emes. Qazaqta úlkendi, ájeni syılaıtyndar bar ǵoı. Bári syılaıdy ǵoı. Barlyq tilin meńgerip aldym. Saýatym bar. 3:36 Óz zamandastarymdy da osyǵan baýlyp júrmin», - deıdi atyraýlyq áje.

Aıta keteıik, Tıktokta tabys tabýdyń eki joly bar. Biri paraqshany tabys tetigine qosý. Ekinshisi strım, ıaǵnı, tikeleı efırge shyǵyp, oqyrmandardyń jibergen syılyqtaryn qabyldaý. Onyń óz ólshembirligi bar. Tıktok teńgege shaǵyp, ámııanyńyzǵa aýdarady. Al tabys tetigi degen tusy Qazaqstan aýmaǵynda iske qosylmaǵan. Qazir, Tıktoktan aqsha tabý úshin, Frantsııa turǵyny retinde tirkelip jeliniń algorıtimin aldaıtyndar da bar.