Atyraýlyq áıel onlaın-bankıng arqyly 80 mln teńgege jýyq qarjyny jymqyrǵan

ATYRAÝ. KAZINFORM – Atyraý oblysynyń 31 jastaǵy turǵynynyń alaıaqtyq jolmen 30 qylmys jasaǵany anyqtaldy. Jergilikti polıtsııa kúdiktige qatysty qylmystyq is qozǵady.

Atyraý oblystyq polıtsııa departamentiniń baspasóz qyzmetinen málim etkendeı, kúdikti áıel ustalǵan.

«Atyraý oblysynyń 31 jastaǵy turǵyny onlaın-bankıng arqyly turǵyndarǵa nesıe qarajatyn qolma-qol alyp beretinin aıtyp, alaıaqtyq qylmys jasaǵan. Kúdikti osyndaı jolmen 30 qylmys jasap, turǵyndarǵa 80 mln teńgege jýyq shyǵyn keltirgen. Qazir kúdiktige qatysty alaıaqtyq deregimen qylmystyq is qozǵalyp, tergeý amaldary júrgizilip jatyr. Ózge aqparat tergeý múddesine sáıkes jarııalaýǵa jatpaıdy, - dep habarlady departamenttiń baspasóz qyzmeti.

Eske sala ketelik, buǵan deıin 90 kelige jýyq bekireni úıinde zańsyz saqtaǵan atyraýlyq 3 jylǵa sottalǵanyn habarlaǵan bolatynbyz.