Atyraýlyq áıel egiz balasyna kúıeýi zorlyq kórsetken dep kúdiktenedi

ATYRAÝ. KAZINFORM – Atyraýda egiz balasy bar áıel kúıeýinen kúdiktenip júr. Ol polıtsııaǵa kúıeýiniń ústinen shaǵym túsirgen.

қылмыс
Фото: СҚО ПД баспасөз қызметінікі

Bul týraly áleýmettik jelide aqparat tarady.

Áıel 2023 jyldyń qarashasynda egiz bosanǵan. Egizdiń biri – ul, ekinshisi – qyz. 

– Alǵash tanysqan kezde kúıeýim ishimdik ishpeıtinin, shylym shekpeıtinin aıtqan edi. Balalaryma 9 aı bolǵanda, onyń esirtki qoldanatynyn bildim. Polıtsııaǵa shaǵym jazǵanda, balalarym 3 jasqa toldy. Kúıeýim meni jumysqa shyǵaryp, ózi dekrettik demalys aldy, - deıdi egizdiń anasy.

Onyń aıtýynsha, balalarynyń minezi tuıyqtalyp, kóp jylaıtyn bolǵan. Alǵashynda shoshyp oıanatyny kúdik týdyrǵan. Balabaqshadaǵy tárbıeshiler de balalardaǵy ózgeristi baıqaǵan. 

– Jumysta júrgenimde, balabaqsha tárbıeshisi telefon shaldy. Ol balalardyń birnárseden qorqatynyn, uıyqtaǵan kezde bir-biriniń qolynan ustap jatatynyn aıtty. Balalar jumysqa ketken meni saǵynatyn bolar dep oıladym. Alaıda balanyń quıryq tusy kógergenin baıqadym. Sodan soń kúdiktine bastadym, - deıdi anasy. 

Egizdiń anasynyń aıtýyna qaraǵanda, 20 qarashada polıtsııaǵa aryz jazǵan. 

– Bir jyldan asty, biraq kúdiktini áli ustaǵan joq. Saraptama júrgizý úshin proktologty ózim tabýym qajettigin aıtty. Shý kótergen edim, meni túrli ıntsantsııaǵa jibere bastady. Dáriger «Myqty bolyńyz, eki balada da zaqym bar. Ulyńyz defekatsııany baqylaı almaıtynyn aıtty, - deıdi amaly taýsylǵan ana. 

Balalarǵa ekinshi ret saraptama júrgizilgen.

Al 1 aı buryn balalardy qaraǵan dárigerdiń saraptama júrgizýge lıtsenzııasy bolmaı shyqqan. Sol sebepten, dáriger qorytyndy bere almaǵan. 

Osy derekke baılanysty Atyraý oblystyq polıtsııa departamentiniń baspasóz qyzmeti tómendegideı túsinik berdi. 

– Atalǵan derek boıynsha qylmystyq is bir jyldan beri tergelip jatyr. QR Qylmystyq kodekstiń 121-baby 4-bóligimen sotqa deıingi tergeý júrgizý qolǵa alyndy. Tergeý kezinde birneshe saraptama berilgen. Qazir komıssııalyq sot-medıtsınalyq saraptama taǵaıyndaldy. Saraptamanyń nátıjesine sáıkes protsessýaldyq sheshim shyǵarylatyn bolady, -dep málim etti departamenttiń baspasóz qyzmeti. 

Eske sala ketelik, budan buryn Atyraýda 15 jasar qyzǵa zábir kórsetken kúıeýi 2,5 jylǵa sottalǵanyn jazǵan edik.  

Сейчас читают