Atyraýlyq ana 5 balasyn beıimdeý ortalyǵyna, 3 balasyn sábıler úıine ornalastyrǵan
ATYRAÝ. KAZINFORM – Atyraý qalasynyń mańyndaǵy aýyldyq okrýgte turatyn ana ana 5 balasyn beıimdeý ortalyǵyna, 3 balasyn sábıler úıine ornalastyrýǵa májbúr bolǵan.
Bul týraly Bala quqyqtary jónindegi Atyraý óńirlik ýákili Aıjan Sársembaevanyń aıtýynsha, 8 balasy bar otbasyna 2020 jyly «Hareket» qaıyrymdylyq qory arqyly jeke úı berilgen.
– Alaıda turǵyn úıdiń jaǵdaıy óte nashar. Úıdiń tóbesinen sý ketip, jylý da bolmaǵan. Sonyń saldarynan kópbalaly ananyń áleýmettik jaǵdaıy Atyraý qalalyq ákimdigi janyndaǵy kámeletke tolmaǵandar isteri jónindegi komıssııada qaraldy. Onyń ótinishine sáıkes komıssııa sheshimimen 5 balasy Atyraý oblystyq kámeletke tolmaǵandardy beıimdeý ortalyǵyna, al 3 balasy «Sábıler úıine» ýaqytsha ornalastyryldy, - deıdi Aıjan Sársembaeva.
Onyń aıtýyna qaraǵanda, kópbalaly ananyń úıine jóndeý júrgizilip jatyr. Qazir jeke turǵyn úıdegi jylý júıesi qalpyna keltirilgen. Úıdiń ishi de rettelgen.
Eske sala ketelik, budan buryn Atyraý oblysynda kámeletke tolmaǵan 102 bala qaterli isikke shaldyqqanyn habarlaǵan bolatynbyz.