Atyraýlyq 5 jasar shahmatshy el chempıony atandy
ATYRAÝ. KAZINFORM — Atyraýda eń kishkentaı shahmatshy turady. Aty-jóni — Sanjar Ermek. Jaqynda aqyldylar oıynyna den qoıǵan ol shahmattyń blıts túrinen Qazaqstan chempıony atandy.
Atyraý oblystyq Dene shynyqtyrý, sport jáne týrızm basqarmasynyń baspasóz qyzmetinen málim etkendeı, 24 qańtar - 2 aqpan aralyǵynda balalar arasynda shahmattan el chempıonaty Shymkent ótken.
«Chemptonatqa elimizdiń barlyq óńirinen 600-den astam bala qatysty. Atyraýlyq Sanjar Ermek 6 jastaǵy balalar arasynda shahmattyń blıts túrinen baq synady. Bul saıysta ol eki júldege ıe boldy. Shahmattyń blıts túrinen el chempıony atandy. Al klassıkalyq shahmattan qola júldege ıelendi», - dep habarlady basqarmanyń baspasóz qyzmeti.
Kishkentaı shahmatty ótken jyldyń sáýir aıynda aǵasy-ápkesimen birge «Guw chess» shahmat klýbyna qatysa bastaǵan. Munda jattyqtyrýshy Dılıara Ǵabıtovadan shahmattyń qyr-syryn úırenip júr.
«Sanjar shahmatty qatty unatty. Telefondaǵy oıyndarǵa kóńil aýdarmaıdy. Ol 6 aıda jaqsy nátıje kórsetip, 4 jáne 3 razrıadty ıelendi. Byltyrǵy qarasha aıynda 6 jasqa deıin balalar arasynda Atyraý oblysynyń chempıony atanyp, Qazaqstan birinshiligine joldama aldy. «KSI chess Open» oblystyq týrnıriniń jeńimpazy atandy», - deıdi Dılıara Ǵabıtova.
Eske sala ketelik, budan buryn «Atyraý» fýtbol klýbynyń quramy jańa oıynshylarmen tolyqqanyn habarlaǵan edik.
