Atyraýlyq 122 oqýshy jańa jyldy Reseıdegi emdeý pansıonatynda qarsy alady
ATYRAÝ. KAZINFORM – Atyraý oblysynyń 122 oqýshysy qysqy kanıkýlda Reseı Federatsııasynyń Jeleznovodsk qalasynaǵy emdeý pansıonatyna demalýǵa jiberildi. Olar jańa jyldy pansıonatta qarsy alatyn boldy.
Oblystyq bilim basqarmasynyń baspasóz qyzmetinen málim etkendeı, jyl basynan beri Reseıdegi «Qazaqstan geologi» emdeý pansıonatynda atyraýlyq 1719 oqýshy demalǵan.
– Atyraý oblysyndaǵy mektepterdiń 122 oqýshysy 30 jeltoqsanda Jeleznovodsk qalasynda ornalasqan «Qazaqstan geologi» emdeý pansıonatyna demalýǵa bardy. Oqýshylar úshin munda mádenı-kópshilik is-sharalar men sporttyq saıystar, tarıhı oryndarǵa saıahat uıymdastyrylady. Balalarǵa pansıonatta 5 mezgil nárlendirilgen, qunarly tamaq beriledi. Emdeý, saýyqtyrý protsedýralaryn alady. Olar qysqy kanıkýldy 9 qańtarǵa deıin atalǵan emdeý pansıonatynda ótkizedi. «Qazaqstan geologi» emdeý pansıonatynyń aýmaǵynda adam densaýlyǵyna óte paıdaly mıneraldy sý bıýveti bar, -dep habarlady basqarmanyń baspasóz qyzmeti.
Eske sala ketelik, budan buryn Atyraý oblysynda ata-analar balasynyń mektep ashanasynan tamaq ishken-ishpegenin bilip otyratynyn habarlaǵan bolatynbyz.
