Atyraýǵa sheteldik jumys kúshin tartýǵa 5 115 kvota bólingen
Atyraý oblysyna bıyl shetelden jumys kúshin tartý úshin 5 115 kvota qarastyrylyp otyr, dep habarlaıdy Kazinform.
Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Azamat Mámbetovtiń aıtýynsha, kvota birneshe sanat boıynsha jáne maýsymdyq jumysqa bólinedi.
«Atyraý oblysyna shetelden jumys kúshin tartýdyń úsh sanaty bar. Máselen, bıyl І sanat boıynsha 69, ІІ sanat úshin 865, ІІІ sanatqa 3 481 kvota bólý qarastyryldy. Maýsymdyq jumystarǵa 700 kvota bólindi», - dep málim etti Azamat Mámbetov.
Onyń deregine súıensek, Qazaqstanǵa turaqty turýǵa nıetti qandastarǵa kómek kórsetý josparlanyp otyr. Bıyl munaıly óńirge 237 qandas kóship kelýi múmkin.
Eske sala ketelik, budan buryn Atyraý oblysynda ýaqytsha turýǵa ruqsat berilgen sheteldikter qatary kóbeıgen edi.
Byltyr Atyraý oblysynda maýsymdyq jumysqa kelgen 660 sheteldikke ruqsat berilgenin habarlaǵan bolatynbyz.
Sondaı-aq, byltyr Atyraý oblysyna shetelden 272 etnıkalyq qazaq kóship kelgenin jazǵan edik.