Atyraýǵa BQO-dan taǵy 77 tonna jem jetkizildi
ATYRAÝ.KAZINFORM – Atyraý oblysyna qarasty Isataı aýdanyna BQO-dan 77 tonna jem jetkizildi. Bul jumysty aýdan ákimdigi uıymdastyrdy.
Aýdan ákiminiń orynbasary, Nurbergen Ótegenovtiń sózinshe, Aqqystaý aýyldyq okrýgine - 59, Janbaı aýyldyq okrýgine 18 tonna jem taratylady. Aldaǵy ýaqytta Janbaı, Naryn, Isataı jáne Zıneden aýyldaryna da jem jetkizý josparlanyp otyr.
- Bir qap jem, ıaǵnı 25 kelisi 2600 teńgeden satylyp jatyr. Tartylǵan aq bıdaı jemin arzan baǵada jetkizýge jergilikti kásiporyndar, kásipkerler, máslıhat depýtattary men merdiger mekemeler demeýshilik kórsetti, - dedi Isataı aýdany ákiminiń orynbasary Nurbergen Ótegenov.
Sharýa qojalyqtaryna - 20, jeke turǵyndarǵa 10 qapshyqqa deıin satylyp jatyr.
Osyǵan deıin aýdanǵa eki márte kórshi óńirden jem ákelingen edi. Aýdan aýmaǵyndaǵy mal basyn qystan aman alyp shyǵýdy maqsat etkender 8 aqpanda Qamysqala aýylyna 39 tonna jem sharýalar men turǵyndarǵa taratylǵan edi.
Bir aptadan keıin osy aýdanǵa qarasty Tuşyqudyq aýylynyń halqy arzan jemge qol jetkizdi.
Osyǵan deıin bul aýdanda aýa-raıy saldarynan 50-den asa jylqy ólgenin jazǵan edik.