Atyraýǵa aı saıyn 12-13 myń tonna avtogaz qajet
ATYRAÝ.KAZINFORM – Atyraý oblysynyń ishki naryǵyna aı saıyn shamamen 12-13 myń tonna kóleminde avtogaz qajet. QR Energetıka mınıstrligi bolsa qańtar aıyna 7110 tonna munaı gazyn bólgen. Keıin naryqta tapshylyqty boldyrmaý maqsatynda qosymsha gaz bólý máselesi kóterilgen.
Mundaı málimetti oblystyq energetıka jáne TÚKSh basqarmasy taratty. Janarmaıdyń bul túri 35 gaz tasymaldaýshy kompanııa arqyly gaz quıý beketterine tolyqtaı tasymaldandy. 2024 jyly gaz paıdalanatyn kólikter sany 20 myńdy qurasa, 2025 jyly 27 myńǵa jetken.
- Naryqtaǵy tapshylyqty azaıtý maqsatynda oblys ákimdiginiń suranysyna sáıkes, mınıstrlik tarapynan qańtar aıynda negizgi kólemmen qosa 2000 tonna qosymsha suıytylǵan gaz bólindi. Sonymen qatar josparǵa sáıkes bıyl aqpan aıyna 6 667 tonna, al naýryz aıyna 6 910 tonna SMG qarastyrylǵan, - dedi oblystyq energetıka jáne TÚKSh basqarmasynyń bas mamany Anar Ahmetova.
Osyǵan deıin Qazaqstandaǵy benzın, dızel jáne avtogaz baǵasyn jazǵan edik.