Atyraýdyń Jylyoı aýdanynda 650 otbasy bir rettik áleýmettik kómek qarjysyn aldy
ATYRAÝ. KAZINFORM – Atyraý oblysynyń Jylyoı aýdanynda 650 otbasy bir rettik áleýmettik kómek qarjysy berildi.
Jylyoı aýdany ákiminiń orynbasary Gúlnafıs Aıshýaqovanyń aıtýynnsha, sý tasqynynan zardap shekken otbasylarǵa birjolǵy materıaldyq kómek tóleý bastalǵan.
«Aýdandyq jumyspen qamtý, áleýmettik baǵdarlamalar bóliminiń qyzmetkerleri sý tasqynynan zardap shekken otbasylardan túsken ótinishterdi táýlik boıy óńdeıdi. Qazir 650-ge jýyq ótinish boıynsha bir rettik áleýmettik kómek qarjysyn tóleýge sheshim qabyldandy. Ótinishi qanaǵattandyrylǵan otbasylardyń esep-shotyna 100 aılyq eseptik kórsetkish mólsherine sáıkes 369 myń 200 teńge tústi», -dep habarlady Gúlnafıs Aıshýaqova.
Eske sala ketelik, buǵan deıin Jylyoı aýdanynan 1942 otbasy bir rettik áleýmettik kómek alýǵa ótinish bergenin habarlaǵan bolatynbyz.
