Atyraýdyń Mahambet aýdanynda sharýa qojalyǵynyń qystaǵy sý ortasynda qaldy
ATYRAÝ. KAZINFORM – Atyraý oblysynyń Mahambet aýdanynda sharýa qojalyǵynyń qystaǵy sý ortasynda qaldy.
Mahambet aýdandyq ákimdiginiń málimetinshe, Esbol aýyldyq okrýginen 1,4 shaqyrym jerde «Syrym» sharýa qojalyǵyna tıesili 1 turǵyn úıi bar qystaq ornalasqan. Turǵyn men Jaıyq ózeniniń aralyǵy shamamen 120 metr.
«Turǵyn úı jartylaı saman, jartylaı aq tastan salynǵan. Jaıyq ózeni deńgeıiniń kóterilýine baılanysty 12 mamyrda 0h18 metr úı, 6h12 metr bolatyn saraı aınalasyna topyraq úıilip, topyraq toltyrylǵan qappen bekitilgen. Oǵan úı ıesi men Qaraǵandy qalasynan kómekke kelgen 52859 áskerı bóliminiń sarbazdary qatysty. Atalǵan úıdiń ıesi men mal qaýipsiz aýmaqqa shyǵaryldy», - dep habarlady aýdandyq ákimdikten.
Qazir úı ıesi otbasymen Esbol aýylynda turyp jatyr. Qaýipsizdik maqsatynda turǵyn úı gaz jáne jaryq jelisinen ajyratylǵan.
Eske sala ketelik, buǵan deıin Atyraý-Oral trassasynyń Mahambet aýdanyndaǵy 56-shaqyrymy jyrylǵanyn jazǵan edik.
Sondaı-aq, búgin Atyraý-Oral trassasynyń Mahambet aýdanyndaǵy 44-shaqyrymy jyrylǵanyn habarlaǵan bolatynbyz.
