Atyraýdyń Mahambet aýdanynda 6 myńnan astam oqýshy sabaqty onlaın oqıdy

ATYRAÝ. KAZINFORM – Atyraý oblysynyń Mahambet aýdanynda 6 myńnan astam oqýshy sabaqty onlaın oqyp júr.

Mahambet aýdany ákimdiginiń málimetine súıensek, munda 9 okrýgtegi 21 eldi mekende 30940 adam turady.

Jaıyq ózenine jaqyn ornalasqan 17 aýyldyń mańynda 105 shaqyrym bóget salynǵan. 

«Qazir 15 mektepte dáris alatyn 6288 oqýshy sabaqty onlaın oqýǵa jiberildi. Aýdanda 22 evakýatsııalyq pýnkt ashylyp, sý basý qaýpi tónse, turǵyndardy qabyldaýǵa daıyn tur. Qaýipsiz aımaqqa 5400 tórt túlik shyǵaryldy», -dep habarlady aýdan ákimdigi. 

Aýdan ákimi Qaırat Nurlybaevtyń aıtýynsha, Jaıyq ózeniniń jaǵalaýynda kezekshiler úshin 40 beket ashylǵan. Sý aıdynyna jaqyn mańdaǵy aýyldarda jaǵalaýdy bekitý jumysy jalǵasyp jatyr.

Oǵan áskerı bólimderdiń 651 sarbazy, Tótenshe jaǵdaılar mınıstrligine qaraıtyn qurylymdardan 200 qyzmetker, 320 erikti men 108 tehnıka tartylǵan. 

«Qazir Jaıyq ózenine kelip jatqan sý aldyn ala tazartylyp, daıyndalǵan kanaldarǵa aǵyp jatyr. Bógetter, saı, jyralar ashyldy. Ázirge Jaıyq ózenindegi jaǵdaı qalypty, sý deńgeıi qaýipti shegine jete qoıǵan joq. Biraq, aldaǵy kúnderi mol sý kelýi múmkin», -deıdi Qaırat Nurlybaev.

Eske sala budan buryn Atyraýdaǵy Mahambet aýdanynyń jedel shtaby kúsheıtilgen jumys rejımine kóshken edi. 

Sondaı-aq, Mahambet aýdanyna 30 tonna gýmanıtarlyq kómek jetkizildi.