Atyraýdyń Qyzylqoǵa aýdanynda arnaıy tehnıkalar memleket menshigine qaıtaryldy

ATYRAÝ. KAZINFORM – Atyraý oblysyndaǵy Qyzylqoǵa aýdanynda kommýnaldyq tehnıkalardy memlekettiń menshigine qaıtarýǵa sheshim qabyldandy.

Qyzylqoǵa aýdanynyń ákimi Qanat Ázmuhanovtyń aıtýyna qaraǵanda, buryn 13 arnaıy jeke kásipkerlerdiń senimgerlik basqarýynda bolǵan.

– Bul sheshim aýyldardyń tazalyǵy men ınfraqurylymdyq qyzmetterdi júıeli túrde atqarý úshin qabyldanyp otyr. Osy kezge deıin «Tazalyq» jeke kásipkerliginiń basqarýyna 8, «Sheráli» jeke kásipkerligine 3, al «Danııar» jeke kásipkerliginiń ıeligine 2 tehnıka berilgen edi. Onyń ishinde vakýýmdy KamAZ, «Ýral», júk tıegish, avtogreıder, «Gıdromek», qoqys tasymaldaıtyn KamAZ, MAZ, tirkeme sekildi kommýnaldyq salada qoldanylatyn arnaıy tehnıkalar bar, -dep habarlady Qanat Ázmuhanov.

Ákimniń aıtýyna qaraǵanda, bul tehnıkalar aýdan aýmaǵyndaǵy joldy kútip ustaý, qoqys tasymaldaý jáne basqa da kommýnaldyq qyzmetterdi atqarýǵa paıdalanylyp kelgen. Alaıda, júrgizilgen tekserýler kezinde birqatar kemshilik anyqtalǵan.

– Keıbir tehnıkalar tıisti maqsatta qoldanylmaǵan. Kelisimshart boıynsha tólemder keshiktirilgen nemese tolyq tólenbegen. Al tehnıkalardyń kútimi talapqa saı júrgizilmegen. Osyǵan baılanysty aýdandyq turǵyn úı-kommýnaldyq sharýashylyq, jolaýshylar kóligi, avtomobıl joldary jáne turǵyn úı ınspektsııasy bóliminiń basshysyna barlyq tehnıkany bir ortalyqqa jınaqtap, mekeme balansyna qaıtarý jóninde tapsyrma berdim, -dep málim etti Qanat Ázmuhanov.

Eske sala ketelik, buǵan deıin buryn Atyraýdyń Qyzylqoǵa aýdanynda 2 ózenniń jaǵalaýyndaǵy bóget bıiktetilip jatqanyn jazǵan bolatynbyz.