Atyraýdyń keıbir bóliginde 24 mamyrǵa deıin ystyq sý bolmaıdy

ATYRAÝ. KAZINFORM – Atyraý qalasynyń keıbir bóliginde 24 mamyrǵa deıin ystyq sý ýaqytsha berilmeıdi.

«Atyraý jylý júıeleri» AQ-nyń aqparatyna súıensek, 20-24 mamyr aralyǵynda munaıly shahardaǵy jylý pýnkteriniń jabdyqtaryn tekserý úshin jóndeý jumystary júrgiziledi. 

«Jóndeý jumystaryna baılanysty Atyraý qalasyndaǵy 3 ortalyq jylý pýnktinen ystyq beriletin keıbir meken-jaılarda ystyq sý ýaqytsha toqtatylady.

«Almagúl-2» ortalyq jylý pýnktine qarasty № 17, 18, 19, 20, 21, 22, 23, 24, «Aıapbergenov» ortalyq jylý pýnktinen «Vokzal mańy-3» shaǵyn aýdanyndaǵy №12, 14, 15, 16, 17, 19, 20, 22, 23, «Qalalyq aýrýhana» ortalyq jylý pýnktinen Qurmanǵazy kóshesindegi 1, 1a, 3, 5, Vladımırskıı kóshesinde ornalasqan №99, 101, «Avangard-3» shaǵynaýdanyndaǵy №9 úıge ystyq sý berilmeıdi»,-dep habarlady oblystyq energetıka kesheniniń baspasóz qyzmeti. 

Jylý pýnkterindegi jabdyqtardy jóndeý búgin bastalǵan. Ony 24 mamyrda aıaqtaý kózdelip otyr. 

Eske sala ketelik, buǵan deıin Atyraýda 4 stansa Jaıyqtan alynǵan sýdy úzdiksiz tazartatynyn habarlaǵan edik.