Atyraýdy taǵy da «Aqjaıyq» tabıǵı rezervatynda janǵan qamys tútini basty

ATYRAÝ. KAZINFORM – Atyraýda taǵy da «Aqjaıyq» tabıǵı rezervatynda qamys janyp jatyr. Qazir munaıly shahardy qamys tútini basyp tur. 

Atyraý oblystyq tótenshe jaǵdaılar departamentiniń ımıdjdik jumys jáne syrtqy kommýnıkaııalar toby qamystyń janyp jatqanyn rastady.

– Búgin, 13 maýsymda saǵat 13:50-de Atyraý qalasynyń mańyndaǵy Erkinqala aýylynan 15 shaqyrym qashyqtyqta «Aqjaıyq» memlekettik tabıǵı rezervatynyń aýmaǵynda qamystyń órtengeni tirkeldi. Qazir órt oshaǵyna barlaý júrgizý úshin Tótenshe jaǵdaılar departamenti men rezervat qyzmetkerleri attandy, - dep málim etti departamenttiń ımıdjdik jumys jáne syrtqy kommýnıkaııalar tobynan. 

Qamys órtinen eldi mekenderge qaýip tónip turǵan joq.

Eske sala ketelik, budan buryn Atyraýdy «Aqjaıyq» tabıǵı rezervatyndaǵy qamys órtiniń tútini basqanyn jazǵan bolatynbyz. 

Keıin «Aqjaıyq» tabıǵı rezervatyndaǵy qamys órti 3 táýlikten soń sóndirilgenin habarlaǵan edik.