Atyraýdy shańdy daýyl basyp tur

ATYRAÝ. KAZINFORM — Búgin tús qaıta Atyraý qalasyn shańdy daýyl basty. Aýada yzǵar, qatty jel bar.

Munaıly shaharda qańtar aıy bastalǵaly 1-2 ret qar jaýǵan edi. Alaıda qar erip, qara sýyq soǵyp tur. 

Al kesheden beri kún sýytyp, búgin shańdy daýyl kóterildi. Shańnyń kóterilýinen jeldiń ekpini baıqalady.

Atyraý oblystyq tótenshe jaǵdaılar departamenti birneshe kún buryn turǵyndarǵa daýyl bolýy múmkin ekenin eskertti. 

— Daýyl týraly eskertýler jarııalaǵan kezde, ásirese qarańǵy mezgilde alys saparǵa shyǵýdan bas tartyp, jaıaý júrýden aýlaq bolý qajet. Aýa raıynyń jaǵdaıy men avtojoldardaǵy kólik qozǵalysynyń shekteýleri týraly aqparatty baqylaǵan jón. Balalardy qaraýsyz qaldyrmaǵan durys. Qatty aıaz tehnogendik órtterdiń kóbeıýine yqpal etýi múmkin. Osyǵan baılanysty joǵary qýatty elektr qurylǵylaryn bir ýaqytta qosý arqyly peshterdi qyzdyrmaýǵa, elektr jelilerin shamadan tys júktemeýge keńes beremiz. Júrgizýshilerge ashyq ottyń kómegimen avtomobılderdi jylytýdyń qaýipti ekenin eskertemiz, — dep habarlady departamenttiń ımıdjdik jumys jáne syrtqy kommýnıkatsııalar toby.

Eske sala ketelik, buǵan deıin Atyraýda 1 kún buryn joǵalyp ketken er adamnyń múrdesi Jaıyq ózeninen tabylǵanyn jazǵan bolatynbyz.