Atyraýdan Reseı shekarasyna deıingi joldyń 82 paıyzyna asfalt betony tóselgen

ATYRAÝ. KAZINFORM – Atyraý oblysynda Reseı Federatsııasynyń shekarasyna deıingi jol bóligi jańartylyp jatyr. Osy kezge deıin joldyń 82 paıyzyna asfalt betony tóselgen.

Kólik mınıstrliginiń málimetinshe, jyl sońyna deıin «Atyraý – Astrahan» baǵytyndaǵy jol rekonstrýktsııalaý jumysyn tolyq aıaqtaý kózdelgen. 

«Qaıta jańartylatyn ýchaskeniń uzyndyǵy – 212 shaqyrym. Asfaltbeton jabynyn tóseý jumysy 82 paıyzdy qurady. Bul jumys belsendi túrde jalǵasyp jatyr. Ýchaskedegi qozǵalys qarqyny – táýligine shamamen 5000 dana avtokólik. Atalǵan jol bóligi qaıta jańǵyrtylǵannan keıin sapar ýaqyty 2,5 saǵatqa deıin qysqarady», - dep habarlady mınıstrliktiń baspasóz qyzmeti. 

Bul jolda 2019 jydan beri qaıta jańǵyrtý júrgizilip jatyr. 2021 jyly Qurmanǵazy aýdanynyń ortalyǵynan Reseı Federatsııasynyń shekarasyna deıingi 60 shaqyrym joldy jóndeý aıaqtalǵan. Al, 2020 jyly Qurmanǵazy aýdanynyń ortalyǵy – Qurmanǵazy aýylynan Atyraý qalasyna deıingi 217 shaqyrym jol bóligin jóndeý bastalǵan. 

Eske sala ketelik, budan buryn Bıyl Atyraýdan Reseı shekarasyna deıin qatynaıtyn joldy jańǵyrtý aıaqtalatynyn habarlaǵan edik.