Atyraýdan ózge barlyq óńirde sý tasqynynyń beti qaıtty
ASTANA. KAZINFORM — Sý resýrstary jáne ırrıgatsııa mınıtsrligi elimizdiń sý qoımalaryndaǵy jaǵdaıdy baıandady.
Atyraý oblysynan ózge Qazaqstannyń barlyq óńirinde sý tasqyny aıaqtaldy.
Atyraý qalasynda Jaıyq ózeniniń deńgeıi — 577 sm, Atyraý oblysynyń Mahambet aýylynda — 1020 sm.
«Qazsýshardyń» jergilikti fılıalynyń mamandary tasqyn sýyn qaýipsiz ótkizý jumysyn jalǵastyryp jatyr.
Batys Qazaqstan oblysynyń tórt iri sý qoımasy 95%-ǵa toldy. Olardyń barlyǵy shtattyq kestege saı jumys isteıdi.
Aqmola oblysynda eki iri sý qoımasy 100%-ǵa toly. Eki nysan da shtattyq kestege saı jumys isteıdi.
Soltústik Qazaqstan oblysyndaǵy 2 iri sý qoımasy 100%-ǵa toly.
Aqtóbe oblysynda eki iri sý qoımasynyń ortasha sý jınaý kórsetkishi 95%. Eki nysan da shtattyq kestege saı jumys isteıdi.
Shyǵys Qazaqstan oblysyndaǵy eki iri sý qoımasy boıynsha ortasha sý jınaý kórsetkishi — 86,9%.
Abaı oblysynda Shúlbi sý qoımasy 69%-ǵa toly. Ertis kaskadynyń barlyq sý qoımalary shtattyq kestege saı jumys isteıdi.
Qaraǵandy oblysynda 3 iri sý qoımasy 99,7%-ǵa toly. Olardyń barlyǵy shtattyq rejımde jumys isteıdi.
Qostanaı oblysynda eki iri sý qoımasynyń ortasha sý jınaý kórsetkishi — 92%. Eki nysan da shtattyq keste aıasynda jumys isteıdi.
Sý qoımalaryna jınalǵan tasqyn sýy aýylsharýashylyǵy men ónerkásipte paıdalaný úshin jiberiledi.
