Atyraýdan Nókiske tikeleı áýe reısi ashylady
ATYRAÝ. KAZINFORM — Jýyqta Atyraýdan Qaraqalpaqstannyń astanasy Nókis qalasyna tikeleı áýe qatynasy ashylmaq.
H.Dospanova atyndaǵy halyqaralyq áýeıjaıdyń taratqan aqparatyna súıensek, jańa baǵyt boıynsha reısterdi Uzbekistan Airways áýe kompanııasy oryndaıdy.
Bul baǵyt Atyraý men Nókis arasyndaǵy tikeleı áýe qatynasyn qamtamasyz etip, jolaýshylarǵa eki qala arasynda qatynaýǵa múmkindik beredi.
Alǵashqy reıs 22 qarashaǵa josparlanǵan.
Aıta keteıik, buǵan deıin bul baǵytta tikeleı reıs bolmady.
Budan buryn habarlanǵandaı, kelesi jyly Astanadan Nıý-Iorkke tikeleı reıs ashylýy múmkin. Qazir elimiz AQSh-qa ushýǵa qajetti ruqsat alýǵa daıyndalyp jatyr.
