Atyraýdan Dýbaıǵa reıster ýaqytsha toqtatyldy

ASTANA. KAZINFORM — Air Astana 28 maýsymnan bastap Atyraý-Dýbaı baǵyty boıynsha ushý ýaqytynyń edáýir uzarýyna baılanysty ýaqytsha oryndalmaıtynyn habarlaıdy. 

Dýbaıǵa Astana men Almatydan ushatyn reıster Iran men Irak áýe keńistigi tysynda jalǵasady.

— Ýaqytsha toqtatylǵan reısterdiń jolaýshylaryna Almaty jáne Astana qalalarynan Dýbaıǵa nemese Atyraýdan basqa baǵyttarǵa tegin qaıta brondaý ne bılettiń tolyq qunyn qaıtarý usynylady, — delingen Air Astana habarlamasynda. 

Aıta ketelik Wizz Air Abu Dhabi Astana men Abý-Dabı arasyndaǵy reısterdi ýaqytsha toqtatqany týraly jazǵan edik. 

Buǵan deıin Taıaý Shyǵystaǵy qaqtyǵys aýmaǵynan 109 otandasymyz elge qaıtarylǵanyn jazǵan edik.