Atyraýdaǵy zırattardyń birinde adam súıegi shashylyp jatyr

ATYRAÝ.KAZINFORM – Áleýmettik jelide Atyraý oblysy Jylyoı aýdanyndaǵy zırattardyń birinde adam súıekteriniń shashylyp jatqany jóninde vıdeo tarady. Kadrlardan beıit aýmaǵynda jer betine shyǵyp qalǵan adam súıekterin baıqaýǵa bolady.

Bul jaǵdaı Atyraý oblysy Jylyoı aýdanyndaǵy Eski Qaraton eldi mekenindegi kóne zırattyń aýmaǵynda bolǵan. Aldyn ala málimetke sáıkes, atalǵan qorym HH ǵasyrdyń basyna tıesili. Keıbir beıitterdiń qulpytastarynda 1949, 1950 jáne 1965 jyldar kórsetilgen.

Jelide taraǵan vıdeoda mán-jaıdy aıtqan azamattyń sózinshe, qabirlerdiń ashylyp qalýyna tabıǵı faktor, ıaǵnı jeldiń áserinen qumnyń kóshýi sebep.

Jańa Qaraton kentiniń ákimi Sansyzbaı Baımuratovtyń aıtýynsha, bul kezinde Qaraton aýylynyń negizgi zıraty bolǵan. Qulsary qalasynan 102 shaqyrym qashyqtyqta ornalasaqan. 1992–2002 jyldar aralyǵynda eldi meken turǵyndary tolyqtaı Qulsary qalasynan 6 shaqyrym jerdegi Jańa Qaraton kentine kóshirilgen. Sodan beri, ıaǵnı 2002 jyldan keıin bul qorymda jerleý rásimderi júrgizilmegen.

- Jeldiń saldarynan adamnyń súıekteri jer betine shyǵý faktileri tirkeldi. Qazirgi ýaqytta eldimekende turyp jatqan halyq joq,-dedi Jańa Qaraton kentiniń ákimi Sansyzbaı Baımuratov .

Almatyda 160 nysan qalanyń tarıhı jáne mádenı eskertkishteriniń tizimine engenin jazǵan edik.