Atyraýdaǵy «Shańyraq» balalar aýylynyń júrgizýshisi tárbıelenýshini urǵan

ATYRAÝ. KAZINFORM – Atyraýdaǵy «Shańyraq» otbasy úlgisindegi balalar aýylynyń júrgizýshisi tárbıelenýshini urǵan. Áleýmettik jelide atalǵan oqıǵa jóninde vıdeo endi tarady.

тәрбиешіні ұрған
Фото: Видеодан алынған кадр

Atyraý oblysy boıynsha bala quqyqtary jónindegi ýákil Aıjan Sársembaevanyń aıtýynsha, oqıǵanyń mán-jaıy anyqtalady. Vıdeoda er adamnyń jasóspirimdi qýyp júrip, urǵany túsirilgen. 

– Oblystyq otbasy úlgisindegi balalar aýyly jáne jasóspirimder úıinde bolǵan oqıǵaǵa baılanysty anyqtaý jumysy bastaldy. Otbasy úlgisindegi balalar aýylyna bardym. Polıtsııa departamentine tel shalyp, qyzmetkerlerdi shaqyrdym. Osy máselege baılanysty oblystyq bilim basqarmasy tarapynan zerdeleý komıssııasy quryldy. Oqıǵanyń mán-jaıyn anyqtaýdamyz, -deıdi Aıjan Sársembaeva.

Atyraý oblystyq bilim basqarmasynyń basshysy Marat Ábýovtiń málimetinshe, otbasylyq úlgide balalar aýylynda 8 tárbıeshi jumys isteıdi. Munda 36 tárbıelenýshi bar. 

– Basqarma tarapynan zerdeleý komıssııasy quryldy. Komıssııa músheleri oblystyq otbasy úlgisindegi balalar aýyly jáne jasóspirimder úıindegi oqıǵa baılanysty zerdeleý jumystaryn júrgizýge jiberildi. Polıtsııa departamentine atalǵan jaǵdaıǵa baılanysty habar berildi, -dep habarlady Marat Ábýov.

Eske sala ketelik, budan buryn byltyr Atyraýdaǵy «Shańyraq» balalar aýylynyń eki tárbıeshisi tárbıelenýshilerdi urǵanyn habarlaǵan edik. 

Сейчас читают