Atyraýdaǵy poıyz apaty: zardap shekken 3 mashınıst aýyr jaraqat alǵan

ATYRAÝ. KAZINFORM – Atyraý mańyndaǵy Teńdik satansasyndaǵy poıyz apatynan 3 mashınıst zardap shekti. Olar aýyr jaraqat alǵan. 

Atyraý oblystyq densaýlyq saqtaý basqarmasy baspasóz qyzmetiniń málimetine súıensek, 3 mashınıst oblystyq aýrýhanaǵa jetkizilgen.

– Búgin Atyraý oblysynda jol-kólik oqıǵasy saldarynan úsh azamat aýyr jaraqat alyp, oblystyq aýrýhanaǵa jetkizildi. Qazir zardap shekken azamattar dárigerlerdiń tolyq baqylaýyna alyndy. Olarǵa barlyq qajetti medıtsınalyq kómek kórsetilip jatyr. Dárigerler naýqastardyń jaǵdaıly turaqty aýyr dep baǵalady. Jaraqat alǵan azamattardyń saýyǵyp shyǵýy úshin barlyq qajetti shara qabyldandy, - dep habarlady basqarmanyń baspasóz qyzmeti.

Eske sala ketelik, budan buryn Atyraý oblysynda lokomotıv pen 11 vagon relsten shyǵyp ketip, jumysshylar zardap shekti. 

Sondaı-aq Atyraý mańynda poıyz júk kóligimen soqtyǵysqan orynǵa 12 qutqarýshy kelgenin jazǵan edik.