Atyraýdaǵy oblystyq perzenthanada 100-ge jýyq ana daýys berdi
ATYRAÝ. KAZINFORM – Atyraý oblystyq perınataldyq ortalyǵynda áıelder de búgingi saılaýǵa qatysyp, óz tańdaýyn jasady. Medıtsınalyq mekeme aýmaǵynda ornalasqan №22 jabyq saılaý ýchaskesinde shamamen 100 –ge jýyq áıel daýys berdi.
Komıssııa músheleri jansaqtaý jáne bosaný zalynda jatqan áıelderge arnaıy jáshik aparyp, olardyń daýysyn jınady. Ýchaskege kelip, daýys bergender analar da bar. Olardyń biri - Isataı aýdanynyń turǵyny, kópbalaly ana Perızat Sapaeva. Ol perınataldyq ortalyqta besinshi sábıin dúnıege ákelip, alty kúnnen beri em alyp jatyr.
- Búgin – elimiz úshin mańyzdy kún. Osy perınataldyq ortalyqta birinshi ret daýys berip jatyrmyn. Balalarymyzdyń bolashaǵy úshin tańdaý jasadym,-dep pikir bildirdi kópbalaly ana Perızat Sapaeva.
Aıta keteıik, qazir bul ortalyqta 130-ǵa jýyq áıel em qabyldaýda.
Buǵan deıin Ulytaý oblysynda Quryltaı saılaýyna daýys berýshi ular qusynyń beınesinde kelgenin jazǵan edik.
