Atyraýdaǵy «Munaıshy» stadıonyn jańǵyrtý jumysy 7,4 mlrd teńgege baǵalandy

ATYRAÝ.KAZINFORM – Atyraý qalasyndaǵy «Munaıshy» ortalyq stadıony jańǵyrtylmaq. Birneshe jyldan beri sportsúıer qaýym stadıonnyń standarttarǵa sáıkes kelmeıtinin, búgingi jaǵdaıy syn kótermeıtinin aıtyp júr.

«Qazirgi ýaqytta stadıondy rekonstrýktsııadan ótkizý úshin jobalyq-smetalyq qujat daıyn. Memlekettik saraptamadan ótti. Jobany iske asyrý úshin memlekettik satyp alý portalyna tender jarııalaý maqsatynda qajetti qujattar daıyndalyp jatyr», - dep habarlady Atyraý oblystyq dene shynyqtyrý, sport jáne týrızm basqarmasy.

Ákimdiktiń bergen aqparatyna súıensek, jobalyq smetalyq qujat boıynsha bul jańǵyrtý jumysy 7,4 mlrd teńgege baǵalanyp otyr. Qurylys jumysyn keler jyly bastap, 2028 jyly aıaqtaý josparlanýda. Jospar boıynsha stadıon tolyq jańartylady, onyń ishinde fýtbol alańy jańa keıipke enip, kórermenderge arnalǵan aýmaq tolyqtaı aýysady.

Aıta keteıik, «Munaıshy» stadıony 1950 jyly paıdalanýǵa berilgen. Sońǵy ret tolyq rekonstrýktsııadan 2003 jyly, al aǵymdyq jóndeýden 2023 jyly ótken bolatyn.

Eske salaıyq, osyǵan deıin sport jáne týrızm mınıstri Erbol Myrzabosynov el aýmaǵyna 14 jańa stadıon salý qajettigin aıtqan edi.