Atyraýdaǵy mamandandyrylǵan mektep-lıtseı órtendi
ATYRAÝ.KAZINFORM — Atyraý qalasyndaǵy Joldasqalı Dosmuhambetov atyndaǵy mamandandyrylǵan mektep-lıtseı-ınternatynan órt shyǵyp, shatyry qyzyl jalynǵa orandy.
Órt týraly habarlama qutqarýshylarǵa búgin 10:43–te túsken.10 tehnıka men 70-ge jýyq adam jumyldyrylyp, 12:57–de tolyq sóndirilgen.
— Jeke quram oqıǵa ornyna jetkenge deıin mektep ishindegi qyzmetkerler syrtqa shyqqan. Zardap shekkender joq, — dedi Atyraý oblysy TJD bastyǵynyń orynbasary Jantóre Demeshov.
Aldyn ala málimet boıynsha, órt shatyrdyń 280 sharshy metrin qamtydy.
Buǵan deıin ShQO ormandarynda órt qaýpiniń eń joǵary deńgeıi jarııalanǵanyn jazǵan edik.
