Atyraýdaǵy KPI zaýytynan órt shyqty
ATYRAÝ. KAZINFORM — Kazakhstan Petrochemical Industries JShS aýmaǵynda polımerli zattyń ózdiginen tútindeýi tirkeldi.
Atyraý oblystyq tótenshe jaǵdaılar departamentiniń málimetinshe, quramynda trıetılalıýmınıı izderi bar polımerli zat bıg-begterde saqtalǵan.
Materıal kásiporynda júrgizilip jatqan josparly toqtatý-jóndeý jumysy kezinde jabdyqtardy tazalaý barysynda jınalǵan. Órt jedel sóndirilgen.
Kompanııa jaǵdaı jedel baqylaýǵa alynyp, saǵat 14:00–de tolyq qalpyna kelgenin málimdedi
— Zardap shekkender joq. Jabdyqtar men múlikke zalal kelgen joq. Qyzmetkerlerge jáne óndiristik úderiske qaýip tóngen joq. Jaǵdaı kásiporyn mamandarynyń baqylaýynda, - dep habarlady zaýyttyń baspasóz qyzmeti.
Eske salaıyq, buǵan deıin Atyraý munaı óńdeý zaýytyndaǵy órtke qatysty qylmystyq is qozǵalǵanyn jazǵan edik.
